韓國嗰度3月16日就開始首播啦,但我都成10月尾先開始睇
不過睇完之後真後好感動,一個遲來的感動
知道呢套劇係因為49日係sign的接檔劇(不過sign1月5日首播,我都係到2月尾先開始睇,因為我2月去韓國旅行時,有一晚睇SBS(不過又講番我呢幾年睇的韓劇多數都係SBS的,所以去到韓國,我一開電視都係想睇SBS,雖然唔知電視講咩...),係電視度睇到套劇的壓迫感(當晚我睇的係第10集),所以番澳門後就開始睇啦)
其實睇完sign去到結尾時見到佢預告接檔ge劇的名叫49日,呢個名真係好吸引我,究竟49日係一個點樣的故事??不過因為我剛剛追看完sign,想休息一下,所以先無睇到49日...
直至到9月19日,因為發生左一件相當沉重的事,令到我一度有自殺的念頭,雖然最後自殺不成(不過講真自殺真係好需要勇氣,或者可能我個人勇氣唔夠先自殺不成),返到屋企之後只係想一個人靜靜的過,由於成日屈係屋企的關係,所以就番睇返我之前下載到電腦的sign,畢竟呢套劇係講一d同生死有關的事,當睇到完結時再見到預告49日,所以先令我想起呢套劇,於是我決定再追埋呢套劇,睇左之後先知原來呢套劇都係講生同死之間的故事,唔知係咪因為我呢一個月的心情非常低落,定係呢套劇實在太感動,睇呢套劇去到後半部時,基本上每一集都係睇到我眼濕濕.以前我睇劇集通常都係去到結局先會咁,但49日,竟然有成一本集數都睇到我眼泛淚光,真係從來未試過有一套劇集可以令到我咁...
睇完之後我覺得我同宋伊景好似都有d相似,日常生活上無咩朋友,返工時好似行屍走肉咁,我都覺得自己好似係一個無靈魂的人咁,所以睇呢套劇時我都好鍾意睇李瑤媛在演一個好似得個殼一樣的宋伊景時的場景,可能因為我個人真係太悲觀,好易將自己代左入去,不過到最後睇到宋伊景能夠從陰霾中走出來我都開心ge,畢竟一套劇集無可能去到咁悲的,因為申智賢最後都係無法重生,如果宋伊景仍然像一個死人一樣的生活來做結局,那可以說劇中的主要女角全部都係悲慘收場,隨時睇到我哭一晚,甚至覺得人生係無希望...
但老實的講番自己,雖然嗰件事已經發生左一個月有多(以10月25日計的話是37日),但我仍然很耿耿於懷,仍然係未能從陰霾中走出來,始終我是一個悲觀主義者,從一個慘痛經歷中走出來的時間往往是很長的,而且我又無咩朋友,連搵一個傾訴的對象都沒有,無人開解,凡事都得靠自己去解決,所以我的負面情緒才會越積越多,今次呢一關雖然唔知到幾時先克服到,但我仍然只能寄望隨著時間的流逝來沖淡我這個傷痛,看似是很消極的解決方法,可我就是這樣的一個人,不然可以怎樣?但我最怕的就是過程中有會再出現新的傷痛而已...
