朝早7點幾醒咗之後就瞓唔番,
起身去咗次廁所後就諗既然都咁早醒咗,
不如就今日過香港啦,
所以原定星期二的香港之行,
就這樣提前了一天起行.
之後於早上8點30分出門口,
先到上面占西買了個9元的豬扒飽,
之後就行出去中銀總行撳咗1400元港幣,
跟住就行出去亞馬喇前地站,
等了一陣車後上了維澳蓮運10B線(編號2048),
到外港碼頭站下車時才9點,
先在碼頭下層上了陣網後就上樓上買船飛,
買了9點30分的船飛,
但船到9點38分左右先開,
今次坐的船是日星號,
55分鐘左右就到了香港,
上岸後先去7仔買了菠蘿包,
叉燒包同一支菊花金銀花的嘢飲,
同幫張八達通增值後,
就去對面的西港城80M,
一去到見到有個人喺度揀80週年的九巴巴模,
而我之前都有諗過買唔買,
不過覺得買開的話應該要買齊哂8部先好似好d,
而且我覺得始終個色都唔係太鍾意,
所以之後我都係決定唔買,
今次去到80M好快咁就買咗部新巴的三叉戟10.6米巴模,
跟住就走啦,
因為我要去趕11點於灣仔開的373A線入粉嶺,
如果走咗就要等半個鐘啦,
於是我以飛快的速度行去永吉街站,
但都等到11點18分先上車,
今次上了九巴373A線(編號ATR249),
經過約55分鐘車程後於粉嶺鐵路站站落車,
落車時間比我最初預計的早了一個鐘有多,
在粉嶺站上一陣網後,
就諗住去對面商場去廁所,
但見既然趕到12點30分的小巴,
所以都係拿拿臨行去小巴站等車,
之後有車到就上了小巴56K線(車牌LV3126),
未到1點就已經到了鹿頸總站,
落車後先去總站附近的公廁,
之後於1點02分左右就開始行入去谷埔,
沿新娘潭路先行去雞谷樹下,
過咗雞谷樹下後就行入去條山路,
但條路就因為維修工程,
搞到要行出去旁邊的泥路,
行到去鳳坑家樂徑個牌度,
我本來仲擔心咁點行入去,
因為網上說係要行家樂徑旁的路先去到,
但佢又喺度整緊路,
不過正當我煩緊嘅時候,
見到另一邊有人行落嚟,
見佢哋都係夾硬行在路的旁邊,
於是我都跟住行路旁的爛路,
幾經辛苦終於行過咗呢段路,
接上了登上小山崗的樓梯,
雖然說是小山崗,
但行上去都行都我索哂氣,
幾經辛苦總算行到上山崗上,
見到網上說的第一個景點,
可惜整日陽光都唔算太足,
比較多雲,
所以就見到唔網上人哋影出來那種陽光穿透樹木的那種效果,
過了這個山崗之後又沿樓梯下山,
之後就行咗落去沙頭角海的海邊,
跟住就只是一直沿著海邊的小徑行,
到1點25分左右已經來到鳳坑村,
之後在鳳坑村外的碼頭影吓相,
包括攞埋我部剛買的新巴模型一齊影咁,
先再繼續向谷埔前進,
而小徑旁邊的淺灘全都是紅樹林,
最後於1點55分來到了谷埔,
而網上有資料說由鹿頸步行到谷埔需60-90分鐘,
而我在鳳坑用了5分鐘左右時間影相的情況下,
都只係用55分左右就來到了谷埔,
所以這個行程又替我慳了約半個鐘時間,
之後先在村口的學校影了幾張相,
就再往谷埔的碼頭方向行,
在碼頭又再影吓相咁,
站在碼頭上,
看著一海之隔的深圳,
起滿了密密麻麻的高樓大廈,
而看看我現時身在的香港這邊,
卻是這麼的寧靜安憩,
那種感覺真的幾特別,
之後行返出松記士多,
個負責人竟然行出嚟問我有無咩幫到我,
我就問佢有無嘢食,
佢話都係得一個杯麵,
而且個杯麵佢話係預佢自己食,
但我係想食嘅佢唔介意比我食,
我就話咁就唔使啦,
但我就坐咗喺度同佢吹吓水,
傾傾吓佢仲問我喺邊度嚟,
起初我唔係好想話自己係澳門人,
所以我就話我唔係本地人,
但最後我都講咗我係澳門人,
但估唔到佢之後竟然話佢成日都去澳門,
之後就吹吓澳門同香港兩地的情況咁,
一路吹到4點左右佢就話佢哋準備要走先無再吹,
而我就諗住行入去谷埔村入面睇吓,
但因為見天色好似唔係好光,
擔心好快就天黑,
而且唔知行入去村內要行幾耐同有無惡狗,
所以我在4點30分左右就行番出去準備走啦,
但行返出去剛才松記時,
那裡兩隻黑狗狂喺度吠我,
而且佢哋仲係無被綁住,
我心諗死啦,
佢哋會唔會唔比我行過去,
但我又唔想再行返入去谷埔村入面,
所以心諗不如先強行突破,
嗰兩隻狗真係唔比我過先算啦,
好彩佢哋見我掂行掂過就無再吠我,
如果唔係真係唔知點算,
而回程時我全程都行得好快,
只係在小山崗上再影多張相同綁鞋帶先停咗一陣,
最後更只係用45分鐘時間就行番出鹿頸,
真係超快,
出到鹿頸時已經成身濕哂,
見仲有十幾分鐘先有小巴,
所以又去附近公廁小個解同洗吓臉咁先再行返出總站,
我初初諗住5點30分就有小巴,
但最後到5點35分先嚟,
於是我又再上了小巴56K線(車牌LU7342),
6點就出到粉嶺站,
在站外上了一陣網後,
就行去粉嶺消防局站,
於6點15分上了九巴277X線(編號3ASV102),
呢程巴士係我全日惟一一程無坐上層車頭位的巴士,
到7點05分左右在碧海樓站落車,
之後再等到7點37分時再上了九巴92線(編號AV359),
到8點20分在西貢總站落車後,
就到總站附近的林記小食,
食了個10元的腸粉,
7元的炒麵同飲了杯5元的五花茶做晚餐,
而食嘢時就諗住坐9點的巴士去調景嶺,
點知我食完時已經過咗8點55分,
再在旁邊的7仔買了支玉泉忌廉出來後,
就見部792M巴士已經上緊客,
但當我過埋馬路諗住再行過去時,
巴士就已經開了,
所以無辦法啦,
我就先去巴士總站旁的公園的廁所,
之後就在公園上多陣網,
到9點10分就行番出巴士總站,
之後在9點20分上了新巴792M線(編號1093),
9點50分在調景嶺站落車,
再行去對面的調景嶺站總站,
於10點上了新巴694線(編號VA63),
一路坐到入小西灣邨總站落車,
落車時連11點都未到,
今朝係我第一次入到柴灣入面,
而我見時間尚早,
所以就貪得意去搵吓小西灣(藍灣半島)總站喺邊,
最後搵到個總站後,
又去搵吓我要搭的巴士在那裡,
最後亦都搵到啦,
於是我在11點10分上了城巴788線(編號9031),
11點35分已經在中環(港澳碼頭)總站落車,
今次係我最近三次的香港之行中,
最早出到碼頭的一次,
入到碼頭我就買了12點的船飛,
之後就即刻到候船區上網等落船,
但唔知係咪因為太早到碼頭的關係,
連個天都唔捨得我走住,
船公司職員竟然話因為未檢查完成架船,
所以未能開航住,
而我到12點時亦未能落船,
就這樣就在等落船的時候結束了這一日.
12點開船時亦未上得船,
一路等到約12點25分時船公司職員說要換船,
所以就去另一個閘口度上船,
最後船到12點38分左右先開,
返到澳門時約1點35分,
上岸過關後,
一出到碼頭外就離遠見到有巴士到,
於是就即刻跑去外港碼頭站追車,
真係好彩啱啱好追到,
慢少少部車都走咗,
於是就這樣上了澳巴N1A線(編號ML-67-27),
到中區/殷皇子馬路站落車後再行返屋企,
返到屋企雖然已經2點,
但其實已經係算比預期早咗d,
但當然如果隻船無延遲,
可能仲可以更加早返到屋企啦,
而就這樣我就結束了這個歷時超過17個鐘的香港行啦...
沒有留言:
張貼留言