遊記時間:2015年1月25日
早上8:05分出門口,
正式開始這次最後還是變成一人遊的香港之旅.
首先行出亞馬喇前地,
之後坐了澳巴12線(編號MR-67-49),
於外港碼頭落車後就即時過海關了,
過了海關已經即時落船了,
真係未試過坐船都坐得咁趕,
船亦好準時於8:45分起航,
一個小時後就到達香港了.
話說我上一次到香港已經係去年5月的事了,
沒法啦,
相對香港,
我更喜歡台灣,
而且現時去香港的船票比以前難買得多,
就算是平日去香港,
要買即班船票都已經沒可能,
更何況是假日呢,
所以對於我呢d隨性玩到幾點都無所謂的人,
去到碼頭時竟然仲要乾等一段時間先可以落船真係無法接受,
而且相對香港,
台灣的節奏更適合我這種懶洋洋的人,
所以現在我的心態已變成放假寧願比更貴嘅錢買機票去台灣,
都好過迫船去香港.
上岸後先去7仔增值八達通卡,
之後就行去上環文娛中心站等車,
不過等了約20分鐘才有巴士,
最後於10:40分左右上了城巴5號線(編號329),
11:00時到達摩星嶺總站落車,
落車後就沿摩星嶺徑行,
行了20分鐘後到達第一個炮台遺址,
之前就繼續往上走,
約10分鐘後來到了第二個炮台位置,
而沿路上其實亦有很多的小路,
不過貌似比較陰森及擔心其他原因,
所以就無行小路啦,
另外亦有不少的廢棄建築,
不知是否也是以往軍事設施的一部份呢?
之後就繼續走,
又經過10分鐘後就來到一處比較大的遺址,
見旁邊有一樓梯就即時行上去,
但上到去後見只有一條不知通往何處的小路,
所以又沒有行了,
回到外面的馬路,
經大斜坡旁的樓梯步行上更高的遺址位置,
上到除了有一個比較大的炮台外,
旁邊亦有一大片的草地,
不過可惜的是可能這裡已經成為打野戰的理想地方,
見到炮台上佈滿了大量的BB彈,
真奇怪為什麼明明已經立了告示牌說已是二級歷史建築,
但既不見炮台有太多的維護,
反而既可以讓人在炮台上塗鴉,
更容許有人在這裡打野戰呢?
之後於11:50分時就沿路離開,
20分鐘左右就已經走回大馬路,
在摩星嶺徑站等車,
等到12:20分時上了新巴971線(編號3021),
一直坐到石排灣落車,
本來想在這裡的商場吃東西,
但上到去見只有一間大家樂,
所以都係算啦,
行番落去巴士總站等車
最後於13:05分上了城巴76線(編號7059),
估唔到呢條線會有雙層巴士行,
於13:40分左右到達銅鑼灣(摩頓台)總站落車,
之後就想行去浣沙街一帶吃午餐,
但不知是否因為馬拉松的關係,
基本上每間食肆都滿座,
有些更有人在門口排隊,
討厭等待的我當然就不會等啦,
最後餓到快暈的我決定經蓮花宮旁那超長的的樓梯,
走上勵德邨的禮賓閣吃今日的午餐,
午餐吃了一個44元的沙嗲牛肉炒河套餐,
吃完後就再經樓梯行回銅鑼灣,
不過在樓梯下方,
一大班賓在這裡大聲喧嘩,
討厭嘈吵的我當然亦只能快步離開這裡啦,
之後到天后的MSD睇巴模,
不過見店主跟朋友在看跑馬揀心水,
所以都無咩心機睇啦.
之後諗住入地鐵站睇上坐去屯門要幾錢,
一睇要成27元,
而且好似仲要轉兩次車,
所以都係唔坐啦,
走回銅鑼灣(天后)總站等巴士,
於15:05分上了九巴914線(編號LL3634),
之後於西區海底隧道收費廣場落車,
再於15:40分上了九巴961線(編號SD6315),
但我手機上的應用程式明明說這裡轉車可享有5元的轉車優惠,
不過我睇部八達通機就扣了我全程車費15.2元,
真係無扣錯,
都唔知係apps騙我,
還是係九巴騙我了.
之後於16:30分在屯門鐵路站總站落車,
再於16:40分上了鐵巴K52線(編號748),
17:20分於龍鼓灘總站落車,
這次比上次來時早了,
所以下車後先往海灘邊的龍鼓灘中華白海豚瞭望台走,
上到瞭望台的位置,
景觀的確比於沙灘那邊開闊,
不過就沒看到白海豚,
反而是看到滿山的村民祖墳,
所以沒逗留太久就回到沙灘那邊去了,
落到沙灘後約10分鐘就開始日落了,
不過這次的日落景色就感覺沒我上次來時漂亮,
之後一直到18:40分時離開行回巴士站等車,
18:45分時上了鐵巴K52線(編號745),
之後於屯門市中心站下車,
再經行人天橋到對面的商場,
於商場上網查一下資料後,
就到樓下的巴士總站,
於19:35分上了九巴60X線(編號SK7384),
在太子鐵路站站落車,
之後就行去80M睇巴模,
最後買了新巴的丹尼士禿鷹DM18模型就走啦,
到太子站站等車,
於20:50分上了新巴796C線(編號1133),
到調景嶺站落車,
再於21:30分上了新巴792M線(編號1067),
到西貢總站落車,
再到林記小食那裡吃腸飯加炒麵加凍豆漿做晚餐,
這時的我再一次餓到一個極點,
吃於後到旁邊的7仔買飲品,
驚見他們賣的jolly shandy竟然係10元兩罐,
所以就買了兩罐另加一支飲品先走啦.
之後行回西貢總站,
於22:35分上了新巴792M線(編號3020),
在調景嶺站落車,
再過馬路對面的總站等車,
於23:25分上了新巴694線(編號5542),
之前等792M線時見694線只是用單層巴行,
但到我坐時竟然比部E500我坐,
真係非常意外,
因為以前坐694基本上都係坐三叉戟,
E500行694就真係第一次坐,
最後於00:00分在南安里下車,
再行去筲箕灣總站等車,
最後於00:05分上了新巴2號線(編號5013),
呢部係往碼頭方向的尾班車,
坐不到就要行出去坐N8X的啦,
所以真係好好彩,
而呢程亦都係我坐過最快的一程2號車,
00:40分就已經在中環(港澳碼頭)總站落車,
落車後就即時跑上去睇下趕不趕到買1點的船票,
但售票窗口賣的竟然係2:30分的票,
好彩在櫃台前叫賣船票的人有賣1點的船票,
而且只係200元而無另外加價,
所以都不理會那個澳門居民優惠,
寧願多付15元好過等多個幾鐘,
最後於2點鐘回到澳門,
由於查到很快就有巴士到站,
所以落船後我以飛快的速度,
拖著我那雙行到已經有點痛的腳奔往外港碼頭巴士站,
不過到站後都等了約3分鐘巴士才到,
最後上了澳巴N1A線(編號ML-74-36),
到中區/殷皇子馬路站落車再行番屋企,
返到屋企已經係02:40分,
完成了這個超過18小時的今年第一次香港行.
沒有留言:
張貼留言