2014年台東慶生之旅--第一日行程

___---===2014年3月29日===---___
這天早上7點幾就起身,
正式準備今次生日之旅,
亦都係成世人第一次自由行之旅,
但當臨準備出門口時,
出面就開始落起大雨,
到成10點50分見無咁大雨先出門口,
先在巴掌圍站上了新福利32號(編號K225),
到亞馬喇前地站落車再轉乘維澳蓮運MT1線(編號3067),
到澳門機場站落車後再行上機場二樓,
將行李託運後就先去個廁所,
之後就再過海關到禁區等上飛機,
而由於早上的大雷雨關係,
令到早上的航班出現了混亂,
所以我們要搭的飛機也延誤了,
最後到1點先去上飛機,
而飛機要等到1點45分先開始準備起飛,
比原定時間遲了40分鐘,
最後3點左右在高雄著陸,
正正式式的開始了這次的台灣之旅.
攞好行李離開機場後,
我們先到機場旁的捷運站,
坐捷運到高雄火車站,
去到高雄火車站才3點50分左右,
之後我們就去買到台東的火車票,
去到櫃台度問說4點30分的已經沒了,
但4點50分的火車就還有票,
而睇番其實4點50分這程車的票價只是160元,
比正常的班次平了一半有多,
那這樣的話兩個人共慳了400台幣有多,
而火車在4點50分準時開出,
火車在晚上7點40分左右到達台東車站,
離開火車站後,
走到外面就被一個的士司機說問要唔要坐車,
我本來都唔係好想理佢,
但不過其實我哋都係要坐的士出市區,
所以還是上了他的車,
我本來是想到東之鄉大飯店度住的,
但的士司機車到我們到東之鄉門口時就問我哋要唔要搵民宿,
我就心諗既然都係要逐間問有無房,
不如就睇吓佢有咩介紹,
最後司機把我們載到位於鐵花路的初春民宿,
起初都是抱著猶疑的心態,
但入到民宿入面,
覺得這民宿還不錯,
雖然價格比東之鄉高,
但因為都是在我的預算下限,
而且當時都已經8點幾啦,
真係唔係好想再出去搵,
所以還是決定在這裡住了.
在付了三日的房租4800元跟的士錢300元,
再放低行李後我們就出去搵嘢食,
首先行到去正氣路,
但因為見到網上推薦的老東台米苔目排滿了人,
所以就沒有幫襯了,
再往前走來到了一間叫阿水伯魯肉飯的鋪頭食嘢,
食完後我們就往台東海濱公園的方向走,
走的期間發覺吹埋嚟的風都係熱的,
心想這應該就是所謂的焚風吧.
而因為要去看一下那個國際地標,
我就邊拿著電話邊找,
但到達國際地標前有一段路是完全沒有街燈的,
我就自己是開了自己的電話的燈來照路,
最後總算於約9點30分時成功來到了國際地標的位置,
來到這位置時,
吹來的風可是都是涼爽的,
把之前的熱氣都吹掉了,
而國際地標在燈光的照射下真是相當之美,
最後在影了相跟吹了一陣海風後,
於9點45分就走了,
沿路行返去民宿度休息.
返到民宿後執吓嘢,
再去洗頭沖涼同上一陣網後,
瞓覺的時間都已經過咗12點,
就這樣結束了第一日的台灣之旅啦.